FFK Blog Fehmeeda Farid Khan Blog for Unsolved Miseries
Related Articles
کوفتہ بنانے کے لیے اجزاء
آدھا کلو بیف قیمہ
ایک عدد بڑی پیاز
کھانے کا ایک چمچہ پسا ہوا لہسن ادرک
ایک چائے کا چمچہ پسی لال مرچ
ایک چائے کا چمچہ پسا دھنیا
دو کھانے کے چمچے بھنے چنے
آٹھ سے دس عدد پسے بادام
ایک کھانے کا چمچہ خشخاش
کوفتہ مصالحہ سالن کے اجزاء
آدھی پیالی تیل
ایک عدد پسی ہوئی پیاز
کھانے کا ایک چمچہ پسا ہوا لہسن ادرک
ایک چائے کا چمچہ نمک
آدھا چائے کا چمچہ پسی لال مرچ
آدھا چائے کا چمچہ ہلدی
دو چائے کے چمچے پسا دھنیا
آدھا چائے کا چمچہ گرم مصالحہ
اور ⅔ پیالی دہی
کوفتہ مصالحہ کی ترکیب
آج میں آپ کو دنیا کے مزیدار کھانوں میں سے ایک کوفتہ بنانے کا طریقہ بتاتا ہوں۔ کوفتے بنانے کے لیے چوپر میں آدھا کلو بیف قیمہ، ایک عدد بڑی پیاز، ایک کھانے کا چمچہ لہسن ادرک، ایک چائے کا چمچہ پسی لال مرچ، ایک چائے کا چمچہ پسا دھنیا، دو کھانے کے چمچے بھنے چنے، آٹھ سے دس عدد پسے بادام اور ایک کھانے کا چمچہ خشخاش ڈال کر پیس لیں۔ اب اس آمیزے میں تھوڑا سا پانی شامل کر کے گولے بنائیں اور ایک طرف رکھ دیں۔
سالن بنانے کے لیے آدھی پیالی تیل گرم کر کے اس میں ایک عدد بلینڈ کی ہوئی پیاز، ایک کھانے کا چمچہ لہسن ادرک کا پیسٹ ڈال کر پانچ منٹ اچھی طرح فرائی کریں۔ اب اس میں ایک چائے کاچمچہ نمک، آدھا چائے کا چمچہ پسی لال مرچ، آدھا چائے کاچمچہ ہلدی، دو چائے کے چمچے پسا دھنیا، آدھا چائے کا چمچہ گرم مصالحہ ⅔ پیالی دہی کے ساتھ شامل کر کے اچھی طرح فرائی کریں۔ پھر اس میں کوفتے ڈال کر پکائیں۔ اس کے بعد سالن کے لیے ایک پیالی پانی ڈال کر دس منٹ پکنے کے لیے چھوڑ دیں۔ آخر میں کٹے ہرے دھنیے، ہری مرچ کے ساتھ گارنش کر کے کوفتہ مصالحہ کھائیں۔ ساتھ تندور کی گرم روٹی اور تازہ سبزیوں کا سلاد ہو تو کیا بات ہے۔
