FFK Blog Fehmeeda Farid Khan Blog for Unsolved Miseries
Related Articles
Lucifer
Fox-Netflix Drama
IMDb 8.1/10
لیجیے میرا تبصرہ حاضر ہے۔ سب سے پہلے تو میں کچھ واضح کر دوں کہ ہو سکتا ہے تبصرے میں کچھ اسلامی ٹچ دے جاؤں جو کہ یقیناً آ ہی جانا ہے۔ یہ ڈرامہ دیکھنے سے پہلے میں نے یوٹیوب پر ایک پرانی ویڈیو دیکھی تھی جو لوسیفر ڈرامے کے بارے میں اسلامی نظریے کے مطابق تھی۔ اسی تجسس کے تحت اپنی دوست کرن سے پوچھا، یہ ڈرامہ دیکھا ہے؟ اس نے اثبات میں جواب دیا تب میں نے بھی دیکھنا شروع کر دیا۔ میں نے اور کرن نے ہر چیز ڈسکس کی۔ ہم ہمیشہ سے چینی اور کورین ڈرامے دیکھتے آئے ہیں یا چلیں بھارتی تو ہم جانتے ہیں ان کے ہاں کتنے خداؤں کا تصور ہے۔ اس لیے کبھی ان چیزوں کو خود پر حاوی نہیں ہونے دیا۔ جب ایمان مضبوط ہو تو یہ چیزیں محض وقت گزاری ہی لگتی ہیں۔
میں انگلش سیریز نہیں دیکھتی لیکن نیٹ فلکس کی وجہ سے کافی ڈرامے دیکھے۔ بہت سال پہلے ایک انڈین مووی دیکھی تھی سلمان خان کی جس میں وہ خدا سے ملتا ہے۔ ایسی ہی ایک انگلش مووی بھی دیکھی تھی۔ مجھے یوٹیوب پر اسی طرح کی ویڈیوز دیکھنے کا شوق ہے۔ ہو سکتا ہے میرا علم زیادہ نہ ہو لیکن بہرحال کوشش کر کے کچھ نہ کچھ اسلام سے متعلق دیکھتی رہتی ہوں۔
Lucifer
آپ سب جانتے ہوں گے کہ ایک شاطر دماغ قوم کیسے ہمیں بھٹکانا چاہتی ہے۔ اسی طرح ایک اور دھتکارا ہوا گروہ ہے جسے یقیناً سب جانتے ہوں گے کس کی بات ہو رہی ہے۔ ڈرامہ لوسیفر اصل میں کامک ہے۔ اس میں درج ذیل کردار موجود ہیں۔
Samael
Amenadiel
Chloe
Daniel
Ella
Dr linda
Micheal
Cain
Eve
Mazikeen
Charlette
یہ ایسے مستقل کردار ہیں جو آخر تک رہے۔ یہ کہانی ہے ایک ایسے ”فرشتے“ کی جس نے نافرمانی کی وجہ سے زمین پر بھیج دیا گیا۔ وہ یعنی لوسیفر جو اس ڈرامے کا ہیرو لاس اینجلس پہنچ جاتا ہے۔ وہ ایک امیر عیاش قسم کا بندہ ہے جسے بس شراب شباب سے ہی لینا دینا ہے۔ پھر کولئی کی آمد ہوتی ہے اور لوسیفر کو وہ پسند آ جاتی ہے۔ وہ ڈینیل کی سابقہ بیوی ہے۔ قصہ مختصر لوسیفر میں ایک سُپر پاور ہے کہ وہ لوگوں کی دل کی بات اگلوا لیتا ہے۔ وہ بار بار کہتا ہے میں ڈیول ہوں لیکن کوئی یقین نہیں کرتا۔ اس طرح لوسیفر اور ڈین مل کر کیس حل کرتے رہتے ہیں۔ یونہی کافی کردار آتے جاتے رہتے ہیں۔
Lucifer
تین سیزن تک کی اہم بات بتا دوں۔ لوسیفر کو اس بات پہ غصہ آتا ہے کہ غلط کام انسان کرتا ہے تو الزام مجھ پر کیوں لگاتا ہے؟ آپ سب کو ہابیل اور قابیل کا قصہ یاد ہو گا۔ قابیل دنیا کا پہلا قاتل تھا۔ اب تک جس نے قتل کیا ہے یا کرے گا، اس کا گناہ قابیل کو بھی جائے گا۔
ڈرامے میں بہت لوپ ہولز ہیں۔ لیکن تیسرا سیزن جب اختتام کی جانب آتا ہے تب کولئی کو لوسیفر کا اصل چہرہ دکھ جاتا ہے جب وہ قابیل کو مارنے لگتا ہے۔
تیسرے سیزن کی آخری قسط سے لگا کچھ کمی سی ہے۔ وہ کمی چوتھے سیزن میں پوری ہوئی۔ اب یہاں مزے کی بات کہ تین سیزن کے بعد یہ ڈرامہ خرید لیا نیٹ فلکس نے اور وہی کام شروع جس کے لیے نیٹ فلکس جانا جاتا ہے۔ اس کے بغیر ان کا کوئی ڈرامہ مکمل نہیں ہوتا۔ سیزن ۴ کا میں کچھ نہیں کہوں گی کیونکہ میرا دماغ پھر خراب ہو جائے گا۔
Lucifer
پانچویں سیزن کا ذکر کرنا ضروری ہے۔ جیسا کہ سب کو پتہ ہے کہ فرشتے اور جنات ہیں۔ وہ سب ایک ایک کر کے ہر سیزن میں آتے رہے ہیں۔ اب اس سیزن میں آتا ہے اصلی سُپر پاور یعنی لوسیفر کا ابا (میں وہ اصل لفظ نہیں کہنا چاہتی نہ کہوں گی۔) پانچویں سیزن کو بہت انجوائے کیا ہر لحاظ سے، جب تک ایک پیارا کردار ہم سے جدا نہ ہو گیا۔ سیزن ۶ چھوڑ چھوڑ کر مکمل کیا۔ میرے خیال سے پانچواں سیزن بڑھا کر مکمل کر لینا چاہیئے تھا۔ لیکن نیٹ فلکس میں جب تک لیزبین شادی نہ ہو، ان کو مزہ کہاں آنا؟
میں نے کوشش کی ہے کہ کہانی زیادہ نہ بتاؤں۔ اب آخر میں میری سوچ۔۔۔ شیطان فرشتوں میں سے نہیں تھا، جنات سے تھا۔ وہ بہت عبادت گذار تھا لیکن ایک بات نہ ماننے پر وہ کیسے باغی ہوا؟ سب کو پتہ ہے۔ اس کا کام ہے بہکانا اور غلط کام کروانا۔ اس ڈرامے میں کافی ایسی چیزیں دیکھنے کو ملیں جس کا حقیقت سے کوئی لینا دینا نہیں۔ کھوج کے لیے میں نے یوٹیوب کو چنا اور کافی باتیں جان گئی۔۔۔ کس طرح وہ ہمارے ذہن بدلنا چاہتے ہیں۔
Lucifer
اوور آل ڈرامہ اگر ہم فکشن کے طور پر دیکھیں تو اچھا ہے۔ خاص طور پر کر ٹام الیز نے لوسیفر کا کردار جس خوبی نبھایا، شاید کوئی اور نہ نبھا سکتا۔ اسی طرح جب وہ مائیکل بن کر آیا تب بھی اچھی ایکٹنگ کی۔
Previous Blog Dhamer: Monster Jeffery Dhamer Story
تبصرہ نگار: سحرش فواد
Good and detailed review
بہت زبردست تبصرہ کیا ہے آپ نے
آپ کا تبصرہ پڑھ کر ہی میں دیکھنا شروع کر رہا ہوں یہ ڈرامہ ❣️❣️
آپ کا تبصرہ پڑھ کر دل باغ باغ ہو گیا آپ نے جو الفاظ کا چناؤ کرنے میں احتیاط سے کام لیا کہ بات بھی کہہ دی جائے اور پردہ بھی چاک نہ ہو. بہت اچھی کاوش ہے اس ڈرامے کے پہلوؤں پر روشنی ڈالنے کی, ہمیں آپکے مزید تبصروں کا انتظار رہے گا
بہت شکریہ آپ کا