FFK Blog Fehmeeda Farid Khan Blog for Unsolved Miseries
Related Articles
زرد پتوں کی بہار
پاکستان کے قیام اور ہجرت کی جب بھی بات کی جاتی ہے تو عموماً ہم مسلمانوں پر ڈھائے گئے مظالم کا ذکر ہی سنتے ہیں۔ کیسے انہیں وہاں سے سب چھوڑ کر بے سروسامانی کے عالم میں آنا پڑا۔ ان پر ڈھائے گئے مظالم یقیناً الم ناک تھے۔ مگر ہم اکثر یہ بات نظر انداز کر دیتے ہیں کہ اس طرف سے جو لوگ ہندوستان گئے ان پر بھی ظلم کیا گیا۔ انہیں بھی قتل و غارت کا سامنا کرنا پڑا تھا۔ انہیں بھی اپنا گھر بار چھوڑ کر ایک اجنبی دیس جا کر بسنا پڑا تھا۔ ملک بدر ہونا پڑا تھا۔ مگر ان کے دلوں میں آج بھی اس ملک سے محبت ایک کسک بن کر زندہ ہے۔ یہی ”زرد پتوں کی بہار“ کی اساس ہے۔
~
زرد پتوں کی بہار ایک منفرد سفرنامہ ہے۔ عام طور پر سفرنئی کسی نٸی جگہ کے بارے میں ہوتا ہے مگر یہاں رام لعل پرانی یاد جینے پاکستان آئے ہیں۔ تیس پینتیس برس بعد ریل گاڑی قدم باہر رکھتے ہی یادوں کی پٹاری کھل جاتی ہے۔ یہ وہی جگہ تھی، جہاں انہوں نے پہلی ملازمت شروع کی تھی۔
سب کچھ وہیں تھا بھی اور کچھ نہیں بھی تھا۔ سب کچھ ویسا ہی تھا اور بہت کچھ بدل بھی گیا تھا۔ مگر ایک چیز جو نہیں بدلی تھی وہ تھی دوستوں کی محبت۔ پرجوش استقبال سے لے کر دورانِ قیام ملنا ملانا اور دعوتوں کے سلسلے رہے۔ پھر جہاں دوست ہوں وہاں قہقہے تو لازم ہیں۔ رام لعل کے دوستوں میں قد آور ادبی شخصیات شامل ہیں۔ زرد پتوں کی بہار کی بدولت ان کا نیا روپ دیکھنے کو ملا جو دلچسپ رہا۔
~
رام لعل نے اپنے قیام کے دوران مختلف شہروں کا دورہ کیا۔ زرد پتوں کی بہار میں ان کے آبائی شہر میانوالی کا قصہ سب سے دل سوز ہے۔ انہوں نے اپنے گھر کی یاترا کی جہاں اب اجنبی لوگ بستے ہیں۔ گھر کا نقشہ بہت حد تک تبدیل ہو چکا ہے مگر اس کی مٹی کی خوشبو اب بھی ویسی ہی ہے۔ وہ لمحہ بہت دل گرفتہ کر گیا جب رام لعل نے کہا کہ اس نسل کا میں آخری فرد ہوں جو اس گھر سے دلی وابستگی رکھتا ہے۔ وہ گھر جہاں ان کے باپ دادا رہے۔ آخر میں اس صحن کی تھوڑی سی مٹی ایک قیمتی متاعِ حیات کی طرح لے کر واپس لوٹ گئے۔
زرد پتوں کی بہار وطن سے وطن تک کا سفر ہے۔ جو اپنے اندر محبت، دوستی، غم اور خوشی کو بہت خوبصورتی سے سموئے ہوئے ہے۔ یہ یقیناً ایک دل کو چھو لینے والی کتاب ہے۔ اسے ضرور پڑھیے۔
سدرہ جاوید کا گزشتہ تبصرہ
Hmm is anyone else experiencing problems with the images on this blog loading? I’m trying to determine if its a problem on my end or if it’s the blog. Any feedback would be greatly appreciated.